“100% literacy sir.”

കേരളം ഒറ്റക്കെട്ടായി, മതസൗഹാർദ്ദത്തോടെ മുന്നോട്ട് പോകുന്നത് കാണാൻ ഇഷ്ടപ്പെടാത്തവർ ഇന്ത്യയിൽ പല സംസ്ഥാനങ്ങളിലുമുണ്ട്. കേരളത്തിന്റെ ഉയർന്ന literacy rate പോലും ചിലർക്ക് കുശുമ്പിനും പരിഹാസത്തിനും കാരണമാകുന്നുണ്ട്.

നിങ്ങൾ North Indian Insta/YouTube reels നോക്കാറുണ്ടോ എന്നറിയില്ല. ഞാൻ നോക്കാറുണ്ട്. തെറ്റായ കാര്യങ്ങൾ പറയുമ്പോൾ കഴിയുന്നത്ര മറുപടി കൊടുക്കാറുമുണ്ട്.

ഇന്നലെ മുതൽ ആലപ്പുഴയിലെ ഒരു റെസ്റ്റോറന്റിൽ മാവേലി വേഷം ധരിച്ച ഒരാളുടെ മേൽ ചൂട് എണ്ണ ഒഴിച്ച സംഭവത്തെക്കുറിച്ച് ചില reels വളരെ എരിവ് കൂട്ടി പ്രചരിപ്പിക്കുന്നത് കാണാം. സംഭവം തെറ്റാണെങ്കിൽ അതിനെ ശക്തമായി വിമർശിക്കണം. കുറ്റം ചെയ്തവർ ആരായാലും നിയമപരമായി നടപടി വേണം. അതിൽ യാതൊരു സംശയവുമില്ല.

പക്ഷേ ഇത്തരം reels-ന്റെ താഴെയുള്ള comments ശ്രദ്ധിച്ചാൽ ഒരു സ്ഥിരം comment കാണാം:

“100% literacy sir.”

കേരളത്തെ പരിഹസിക്കാനായി ഉപയോഗിക്കുന്ന ഒരു troll ആയി അത് മാറിയിരിക്കുന്നു. അതിന്റെ പിന്നിലെ message വ്യക്തമാണ് — “കേരളത്തിൽ literacy ഉണ്ടെങ്കിലും common sense ഇല്ല” എന്ന രീതിയിൽ ഒരു മുഴുവൻ ജനതയെ അപമാനിക്കുക.

അതിനോടൊപ്പം “Kerala is Mini Pakistan”, “അധികം താമസിക്കാതെ Kerala Kashmir ആകും” തുടങ്ങിയ comments-ുകളും ഇപ്പോൾ കേരളവുമായി ബന്ധപ്പെട്ട പല news posts-ന്റെയും താഴെ കാണാം.

ഞാൻ പലപ്പോഴും അതിന് മറുപടി കൊടുക്കാറുണ്ട്. പക്ഷേ പിന്നീട് ഒരു കാര്യം മനസ്സിലായി.

അവർക്ക് നമ്മുടെ മറുപടിയല്ല വേണ്ടത്.

കേരളത്തിലെ ഒരു സംഭവത്തെ എടുത്ത് കേരളത്തിലെ മുഴുവൻ ഹിന്ദുക്കളെയും മുസ്ലീങ്ങളെയും ക്രിസ്ത്യാനികളെയും തമ്മിൽ സംശയത്തോടെ കാണുന്ന ഒരു narrative ഉണ്ടാക്കുകയാണ് ലക്ഷ്യം. കേരളീയർ തമ്മിൽ തല്ലുന്നത് കാണാൻ ആഗ്രഹിക്കുന്നവരാണ് ഇത്തരം ആളുകളിൽ പലരും.

കേരളത്തിന്റെ യഥാർത്ഥ ശക്തി എന്താണെന്ന് നമ്മൾ മറക്കരുത്.

വ്യത്യസ്ത മതങ്ങളും വിശ്വാസങ്ങളും രാഷ്ട്രീയ അഭിപ്രായങ്ങളും ഉള്ളവർ ഒരുമിച്ച് ജീവിക്കുന്നതാണ് കേരളത്തിന്റെ സൗന്ദര്യം. അഭിപ്രായ വ്യത്യാസങ്ങൾ ഉണ്ടാകാം. തെറ്റുകൾ സംഭവിക്കാം. കുറ്റകൃത്യങ്ങൾ ഉണ്ടാകാം. പക്ഷേ അതിന്റെ പേരിൽ ഒരു മുഴുവൻ സമൂഹത്തെയും സംസ്ഥാനത്തെയും അപമാനിക്കേണ്ട ആവശ്യമില്ല.

അതുകൊണ്ട് ഒരു കാര്യം നമ്മൾ മനസ്സിലാക്കണം:

ഒരു കുറ്റവാളിയുടെ മതം നോക്കി ഒരു സമൂഹത്തെ കുറ്റപ്പെടുത്തരുത്.

ഒരു രാഷ്ട്രീയ പാർട്ടിയുടെ പ്രവർത്തനം നോക്കി ഒരു സംസ്ഥാനത്തെ കുറ്റപ്പെടുത്തരുത്.

ഒരു വ്യക്തിയുടെ തെറ്റ് നോക്കി ഒരു ജനതയെ വിധിക്കരുത്.